E ui ile maualuga ole tulaga ole tali atu ai ole tele o nuu ma afioaga i Samoa nei e ala lea ia latou tapenaga ile itu tau ile faamatagofieina o maota ma laoa ae le gata i lea o luma o auala aua malo eseese ia olea malaga mai mo le fonotaga ia Oketopa.
Ae ua fautuaina mai ai e le komiti o femalagaiga ile mamalu ole atunuu e ala lea i tulaga ua oo ai a latou tapenapenaga ma teuteuga a nisi o afioaga e fua lea i luga i nisi o tulafono ua mae’a lea ona faailoa aua le fonotaga tele ile masina fou.
Ile feiloaiga a le vaega o tusitala ma le aufaasalalau faatasi ai ma le komiti oloo gafa ma tapenapenaga ole fonotaga lea na faailoa manino mai ai nisi o teuteuga fou o tulafono mo lenei lava faamoemoe i nisi o nuu.
Na ia faailoa foi ole galulue faatasi ai ole atunuu atoa faapea ai ma le mapo ia mafai lea ona maua uma e le atunuu ma sui fono se saogalemu ile taimi olea amatalia ai le fonotaga.
