O le mau tau’ave lena ole Talomua ale afioga o Saanapu i Safata ile faaiuga o le vaiaso a’u lumanai le Aso Sa o Tina, 7 May 2022.
O le Talomua lea a le Saanapu na faataunuu i le Maketi i Fugalei, ma fetaui lelei ma le pisi o faatauga o le faaiuga , o tapenag ao le Aso Sa o Tina.
I faamaumauga mai le Ofisa o faamatalaga a le Malo, o ta’ua ai ele failautusi ole Asosi, Taelega Toma, ole faamoemoe lea na tapena mai lava i le tusa o le fa masina ua tuanai.
Ma lagolagoina e le malo, lea na faafetaia ai e le Peresetene o le Asosi, Susuga Leaana La, le sao o le malo ile latou atinae.
Ole taunuuga manuia o le Talomua a le afioga lea foi na molimauina ma faafetaia e le afioga i le Minisita, o Faatoaga ma Faigafaiva, Laaulialemalietoa Polataivao Leuatea Polativao Fosi Schmidt. Ma momoli lana faamalosi’au i faifaatoaga ole Saanapu, e taumafai mo le lelei o latou aiga ma le nuu.
Faatasi ai ma le taua o le maua ai o taumafa , ae ole lava, ma le faauaua ai pea ona avea ose tasi o ala ga tupe mo le aiga, ae o taumafa paleni o aso uma.
Taimi nei pei ona faamauina e silia i le 20 isi Talomua ole a faaali mai le taimi lenei e oo atu ia Iuni 2022.
Ma ua folafola foi e le afioga ile Minisita le maua o faamanuiaga mo le atinaeina o itumalo pei ona tapena iai le malo, ile taimi o lana tala faaletupe o lesi tausaga faaletupe e sosoo ai, 2022-2023.
Ae na fesoaosani ai le Matagaluega, i oo toto toto ma tamailaau toto, o fatu laau , o meafaigaleuga e faaaoga ile faatoaga, ae ole vaega a le Asosi o faifaatoaga, ma tautai pei ona faalauaitele ma e le malo.
