E le’o tapunia le kamupani a le Samoa Brewery i Samoa. Pau le fuafuaga o iai ale pulega o le gaosia mai lea o le Vailima Beer mai le latou falegaosi oloa mautu i Fiti le Paradise Beverage.
Pei ona ta’ua ele faamatalaga faalauaitele mai lona Pule sili, Mike Spencer ele’i mama ile pulega le sii atu ole Vailima e gaosia mai Fiti. talu na Na maitauina le faiifo o pisinisi ile lima tausaga ua tuana’i, aemaise o taimi faigata na feagai ai ma le aufaigaluega.
Ae o lu’itau, i le tuai o masini, ma faasolo mai i taimi faigata o aafiaga ole misela ile 2019, ae toe faate’ia mai ai e le Covid19.
“Sa tilotilo i itu uma lava ina ia mafai ona faaauau ai pea le gaosia o le Vailima i Samoa pei ole toe faaalu o tupe e atinae le fale pia tuai, ole taumafai e toe fau sesi faleava fou, ma le taumafai foi gaosia iinei a latou oloa.
Ae sa lei mafai lava ona maua ai pisinisi lelei.
Ae o taua ele country manager Moira Simi, e faaauau lava ona ola le Vailima ma lona talaaga. E nofo ai lava ile Pasefika, ae o le’a gaosia mai nei i le Paradise Beverages i Fiti, i lona tofo masani.
Ole pia Vailima ua iai ana paaga i Samoa ma atunuu i fafo, ma ole manaoga lena o le fale gaosi pia lea i Fiti ia faaauau ai pea i le lumana’i.
Ae ole taimi nei, o le’a taula’i le pulega i lana aufaigaluega i Samoa i masina oi luma, ae o galuega ai latou ua aafia.
Ae ua tilotilo foi e sii atu i se isi nofoaga.
Ae ua tilotilo foi e sii atu i se isi nofoaga.
E faauau lava le Samoa Breweries i Samoa, mole faatauga male tufatufaina o ana oloa gaosi mai Fiti, e aofia ai ma le Vailima.
