Gaosia mai pea i Fiti le Vailima mole taimi nei  

SHARE NOW

Ua faalauiloa mai nei ele kamupani a le Samoa Breweries Ltd, SBL, le la maliega, MOU Memorandum of Understanding ma le susuga Charlie Vaai ma Beatrice Ott, e gaosi le Vailima i Samoa.

Ae mo le taimi nei, o le ‘a faaauau lava ona gaosia mai Fiti le pia Vailima mo se taimi le tumau. Ole tulaga lea ua oo iai pei ona faamoania ele faamatalaga mai le SBL, ile uma ane o lana faasalalauga i le masina o Iuni ole tausaga nei, e ave i Fiti le gaosiga, ae tumau lava le faatauga male tufatufa atu.
O le maliega lea o le’a tuuina atu ai e le SBL ia Mr Vaai ma Ms Ott ma le aiga, le laisene latou te gaosia ai le Vailima i Samoa mo le maketi i Samoa.
Ma faaauau ai loa ona maua le Vailima pia ma isi ana mea inu i Samoa o gaosia e le Vailima i lalo le pulega a Mr Vaai ma Ms Ott.
O ta’ua ai e le Pule aoao, General Manager Mike Spencer, (o le tamalii lea e sili ona tele atu lana siea i le SBL,)  “ole manaoga lava ia na iai , ia tumau ai le gaosiga o le Vailima i Samoa. “
Ole taunuuga foi lea ua iai nei pei ona taua e le alii pule sili, ua sili atu lava lea, ina ia tumau ai pea le gaosiga o le pia Vailima i Samoa,e mitamita ai.
Ae mole taimi nei, e vagana ai ua tapena ma sauni Mr Vaai ma Ms Ott e gaosia le oloa i Samoa, ae o le a faauau ona gaosia mai le Vailima i fafo, e leai se suiga o lona tofo lelei, ia tumau ai pea le moomia o le Vailima.
O lipotia foi le taunuu manuia ai o le feiloaiga ma le Matagaluega o Pisinisi ma Ala Manuia ma Leipa, faapena foi i le afioga i le Palemia, Fiame Naomi Mataafa i le vaiaso nei, ile taunuuga o le MOU ma fuafuaga e gaosia ai le Vailima i Samoa.