Ole taunuu auaua’i mai ai o malo faaaloalogia o le fono, I taitai o malo o le taupulega I lenei vaiaso,
Peita’i o le aso lea e taunuu ai foi i fanua le Kovana o America Samoa, lana afioga Lemanu P. S. Mauga.
Mo le tatala aloaia ai o le fono a taitai o malo o le Tapulega, CHOGM ile Aso Faraile, 25 ile fale taaalo I Tuanaimato.
Mai le paaga a ATA-MUA I Amerika Samoa , ina ua fesiligia, o lana tali, o le Faatonusili o le Matagaluega o Faatoaga a America Samoa,
Solia Mutini, o le ‘a faafeao maia le afioga I le Kovana .
O le talivalaau I le valaaulia a le afioga I le Palemia o Samoa ile tatalaga ole fono a taitai o malo o le Taupulega.
O le galulue valalata ai pea o Samoa na lua, i ana galuega atina’e, aemaise o avanoa faigaluega mo tagata, ae o tomai faapitoa ma atinae fetufa’ai ai silafia, o a la oloa faafetaua’i, ae o le va faalevaomalo, ile puipuiga o Samoa mai aafiaga o suiga o le tau.
E taunuu ai I fanua le faigamalaga mamalu mai le malo o Amerika Samoa ile aso, mo le aso tele ole fono autu, taeao Aso Faraile 25.
