Toe lua aso ole aoaoga faapitoa o faia nei faatatau I Suesuega o tupe maua faasolitulafono, o tupe palapala, ma auala faasolitulafono e faaauala mai ai.
Poo “Investigating Financial Crimes, Money Laundering and Criminal Assets Confiscation” ma Vaega e suesu’ea tupe faasolitulafono i Asia ma le Pasefika, ma le Vaega Suesue o solitulafono fesootai a le Pasefika.
Poo le Asia/Pacific Group on Money Laundering (APGML) and the Pacific Transnational Crime Network : (PTCN)
Ua omai faatasi e faia lea aoaoga ile ile vaiaso lenei talu mai le aso 16-20 Me, 2023. Ole auga o le a’oga ia siitia le silafia o tagata faigaluega , e tatau ona latou iloga gofie ai faiga faasolitulafono ma aual ao loo faaaoga.
Faatasi ai ma le faamalosia o le galulue faatasi o matagaluega, mai le Financial Intelligence Unit, Samoa Police, Prisons and Corrections Services (SPPCS), Matagaluega a le Palemia ma le Kapeneta, Matagaluega o Tiute ma tupe maua, Transnational Crime Unit (TCU), PacificTransnational Crime Coordination Centre (PTCCC) and Pacific Islands Law Officers’ Network (PILON), ua latou omai faatasi ilenei aoaoga faapitoa.
Ole Vaega e suesu’ea tupe faasolitulafono i Asia ma le Pasefika, ma le Vaega Suesue o solitulafono fesootai a le Pasefika, e 41 atunuu o loo aofia ai ma Samoa, ma isi faalapotopotoga faalevaomalo, o loo galulue faatasi ai, ile faaititia lea o faigafaasolitulafono e maua ai tupe.
Ma o loo faatupe lenei aoaoga e le Matagaluega o le Va i fafo a le malo o Niusila, ma le APGML.
O le Sui Komesina o leoleo ma falepuipui Lafaitele Herbert Aati, I lana saunoaga, mo le PTCN Pacific Transnational Crime Network o loo taitaifono ai le Komesina o leoleo a Samoa, na ia laga ai le taua tele o lenei laasaga aemaise lava i le siitia ai lea o silafia ole aufaigaluega i aafiaga o tupe maua mai auala palapala, i tagata lautele.
Ma ia fautuaina sui auai, e faaaoga le avanoa e pu’e mai ai auala ma tomai mo se galuega faifaatasi a Samoa ma le Pasefika, ae o lona taunuuga uma lava ose soifuaga saogalemu.
