Ua amata faamamalu atu ai ile aso, 3 o Me , e tusa ai ma le vaelga 29 o le tulafono tau Soifua Maloloina 1959, ua faautuaina ai e le Matagaluega o le Soifua maloloina a Samoa.
E tusa ai ma le pipisi o le misela i Amerika Samoa, ua fautuaina ai nei Tagata uma e faimalaga mai Amerika Samoa, e aofia ai pepe mai le ono masina ma tagata matutua, ina ia faia se tui puipui ole misela a’o lei malaga ese mai mo Samoa.
Ua fautuaina foi le faaali o le pepa tui ile malaevaalele i Tafuna Amerika Samoa, mo le faamaoniga, ae afai o loo I luga o le telefoni, e tatau ona iai sona numera faamaonia poo le QR code.
A leai se pepa faamaonia ole tui misela e le faatagaina foi ona alu I luga ole vaalele mo Samoa.
Peita’i ile taunuu mai ai i Samoa, e tusa ai ma le vaega 29 o le tulafono tau soifua maloloina 1959, ma puipuiga ole pipisi, ia faia ai talifofoga a le tagata o malaga mai ma faaauau aona faia pea lena talifofoga i totonu o le fitu aso . Ma e tatau foi ona faia se siaki ile malaevaalele pe’a mana’mia.
Afai ua maua se isi i auga o le tale matutu, mumu pe fulafula mata, ma tagi mata ile malamalama, tafe le isu ma mafatua, pata eena mai le pa’u amata mai le ulu ma sosolo ifo ile tino, faaleleva ma tiga tino ma le lagona se fiaai, ia fesootai vave loa se foma’i lata ane.
O lea aso lea ua amata atu ai ia tuutuuga mo tagata malaga mai Amerika Samoa, mo Samoa, talu le pepsi o le misela ile motu i Sasa’e.
