Ua mae’a ai nei ona tutusi le ta’iala e lima taitaina ai galuega faifaatasi a Tusitala o Samoa male aufaigaluega a le Fono, ma le palemene.
O le auga o le Taiala ina ia fua ma faatonutonu iai faaupuga a le au faasalalau, i mataupu faatalanoa a le Palemene ae o ana galuega faasolo ma le auai atu i totonu o le maota, ae ole faatalanoaina o faipule o le maota, ma le siosiomaga ole lotoa i Tiafau e agavaa ai na faatalanoaga, ma le toe faasalalauina o ana mataupu na lotea ile fono, aemaise o le taimi e ao ai ona faasalalau.
O lenei tusita’iala mo Tusitala ma le aufaigaluega a le Fono, na faatupe lea e le Malo o Ausetalia ma lana polokalame faapitoa mo le atinaeina o Ofisa fasalalalau ile Pasefika, le PACMAS.
O ta’ua e le sui o le PACMAS i Samoa, Susuga Autagavaia Tumanuvao Galumalemana Tipi:
“O le amataga o le vaiaso nei e taunuu ai se aumalaga o sui o lea polokalame fesoasoani a Ausetalia, e faia ni feiloaiga ma itutino uma o loo galulue ma tautua i auaunaga tau fesootaiga ma faasalalauga, e faamanino le laasaga 4 poo le phase 4 o le fesoasoani mo lenei tausaga, ma auai foi i le faalauiloaina o le Tusi Taiala.”
