E silia ile 10 leoleo, ua fili e aoaoina faapitoa i tomai i lalo ole Polokalame, ua taua o le Close Personnel Protection.
Mai le faamatalaga faalauaitele a le matagaluega o leoleo, e lua vaiaso ole aoaoga lea, ma o loo auai mai iai ma leoleo e toalua mai Toga.
I lalo o le taitaiga a leoleo tomai faapitoa e toatolu mai Ausetalia. O tomai ile saogalemu ole tagata, o loo i lalo ole latou vaavaaiga.
O le saogalemu lea ole tagata i lalo ole vaaiga a leoleo, ose mataupu ogaoga, pei ona molimauina mai i le falepuipui, le maliliu ai oni tagata ae sa i lalo o le vaaiga a leoleo.
O iai le faamoemoe e uma ane le lua vaiaso ole aoaoga lenei, ua maua e leoleo se tomai faapitoa, e fesoasoani ile faatinoina o latou galuega, aemaise o le puipuiga, ole saogalemu o le tagata.
O tapenaga a le matagaluega, o faagasolo nei, e mo le agai atu ile puipuia o tagata usufono mai i Samoa, ile taimi ole fono a taitai o malo o le taupulega ile tausaga fou
