Ina ia vaavaaia lelei ma pulea le faatumauina o alaga ‘oa mai le gataifale o Samoa, lesi lena mafuaaga o le malie ai ole o le Matagaluega Faatoaga ma Faigafaiva, i lana paaga fou e faifaimea faatasi, le Consevation International, mo le agai i luma o galuega puipui faalegataifale i sami o Samoa ma lona saogalemu.
O le faalapotopotoga tumaoti lea o le CI Conservation International, poo le CI e nate mata’itu ma maitau itu lelei e faapuna fanau ma faaauau ai le soifuaga faanatura o tagata soifua, e le gata i Samoa ae o atumotu e fia o le Pasefika o loo latou faapaaga atu iai.
O le Aso Lua o le vaiaso nei, 26 o Aperila, na aloaia ai le faapaaga a le MAF Ministry of Agricultre and Fishery ma le CI mo le mata’ituina lea o le faatumauina o le lumanai lelei o le gataifale o sami o Samoa, pei foi ona faia e isi atunuu ole Pasefika.
O saunoa ai le Susuga Leilani Duffy, Ocean Director a le CI i Samoa i le sootaga o tatou tagata o aso nei ma le sami. O loo tumau pea ose alaga ‘oa taua a Samoa, e le gata mo taumafa ae o lona tamaoaiga.
Ua afua ai ona taumafai pea e pulea lelei o tatou gataifale mo tupulaga ole lumanai.
O le faapaaga foi lea e saga lagolago ai Fuafuaga alu mamao mo sami o Samoa, ia oo atu ile 2030 ua 100pasene lona pulea lelei, ua mafai ona faaauau le maua ai o ‘oa mo avanoa faigaluega, tamaoaiga, ma le faatumauina ona maua ma tele i’a i o tatou sami. .
