Iloilo le mataupu a Samuelu i luma o le faamasinoga i le masina fou

SHARE NOW

Ua atofa ai le aso 20 ole masina fou o Fepuari, e valaau ai le mataupu a Samuelu Leau, ile faamasinoga i Mulinuu, mo le faatulagaina ose aso e valaau ai lona faamasinoga.

Talu le moliaga a leoleo lea ua taunuu ai ile faamasinoga, pei ona faamaonia mai.

Ole tala mai lea a le Komesina o leoleo, Auapaau Logoitino Filipo ina ua tatou fesiligia i taualumaga o le mataupu i le maliu o le tama aoga a le NUS, Tuuau Maletino, talu mai Aperila 21 o le 2021.

Saunoa Auapaau o le toa’tolu o loo taofia i lalo ole vaaiga a leoleo, e aofia ai Samuelu, ma lona toalua.

Peita’i o lesi o loo toatolu iai, ole Susuga a Lise Marie Schmidt pei ona faamaonia mai e lona tauaiga na tatou fesiligia ananafi.

O ta’ua e Auapaau ile tatou faatalanoaga, ua molia Samuelu i lona faia o ni faamatalaga faalumaluma, peitai e le’o faailoa maia le mafuaaga ole taofia o lona to’alua.

Peita’i o lesi o loo toatolu iai, o tuuaia e leoleo ile taumafai e faalafi Samuelu.

O suesuega a leoleo o faia nei, ma molia ai Samuelu e sootaga uma lava ile maliu o Tuuau Maletino.

Ole maliu o Tuuau e oo mai nei e le’i mafai ona maua e leoleo ni molimau e molia ai le faipule o Faleata ia Limoni Aiafi lea na tuuaia e Samuelu i lana molimau.

Vagana ai le fanau mai ai ole moliaga ole faalumaluma faasaga ia Samuelu, ale tina faipisinisi, i le tausaga talu ai, e sootaga foi ile maliu o Tuuau.

E le’i tapunia le faila o sailiga a leoleo faasaga ile maliu o Tuuau Maletino.

Ae ua tapena ai nei loia tumaoti, e avatu sa’o le tagi a le aiga o le ua maliu ma Samuelu ile faamasinoga, Private prosecution, ina ua le mafai e leoleo ona latou maua ni faamaoniga o molimau a Samuelu.