Ioe i le faatauina o mariuana i totonu o le toese i Tanumalala

SHARE NOW

Ua ioeina e Faasao Peseta mai le afioaga o Pu’apu’a Savaii moliaga a le itu a leoleo, o le umia lea o afifi o lālā ma fatu mariuana i totonu o le toese i Tanumalala, i luma o Justice Roma i le faamasinoga maualuga i le aso ananafi.

E tusa ma faamaumauga a le itu a leoleo na tolaulauina i luma o le faamasinoga maualuga, o loo tā’ua ai, o le Aso 16 o Ianuari i le tausaga nei sa maua atu ai ni afiafi mariuana se lua ma se pepa iila o loo iai fatu ma lala o le laau faasaina.

A fua e tusa lona mamafa ma le 27.1 kalama, ae o le isi afifi e 8.28 kalama, o fatu mariuana ma le isi 108 fatu mariuana o loo afifi i se pepa tissue.

Peitai e le’i atoa se vaiaso na vā ai, ae toe maua foi fatu mariuana e 34 o loo faatau i totonu o le toese.

E tolopo atu e Justice Roma le mataupu sei maua sana loia, ae talosaga lea alii i le faamasino e tuu atu sana poloaiga e taofia ai tusitala mai le faasalalauina o le mataupu e faasaga ia te ia.

Ae na saunoa manino le afioga ia Justuce Roma, e leo faamalieina o ia i faamatalaga ma mafuaga na ia tuuina mai ma e alaga tatau foi ona faasalalau taualumaga o faamasinoga auā le silafia a le atunuu lautele aemaise, ua tuputele le tulagala lea o le maua o fualaau faasaina i totonu o le toese.

Ua toe tolopo ai nei le aso 15 Mati o le tausaga nei, e toe fofoga ai lenei mataupu ua taua i luga ma momoli mai ai le faasalaga mo lē ua molia.