Ua ioeina e Seira Malifa 38 tausaga mai Nuu-fou ma Safotu le moliaga leoleo, o le gaoi ao avea ma tagata faigaluega i le faletupe a le ANZ.
O le amataga o le vaiaso lenei lea na tula’i ai le ua tuuai’a i luma o le faamasino Justice Fepuleai Roma i le faamasinoga maualuga.
Peitai o lea ua toe tuu atu le aso 2 o Mati, ae sei faamautu moliaga a leoleo ma le loia oloo tulai mo Seira.
Ae le tuua ai le faaauau pea ona saini le oloo tuua’ia i aso Lulu o vaiaso taitasi.
O le faaletonu lea na tulai mai le faaiuga o le tausaga ua mavae, ina ua masalomia e le faletupe o le ANZ le toesea ai o tupe mai le faletupe.
I suesuega a leoleo na faamaonia mai ai e le sui komesina le afioga ia Papalii Monalisa Tiai Keti, e tusa ma le $80 afe le tupe na ave faagaoi e le ua molia.
Ae i faamaumauga a le ofisa o faamsinoga, na faia e Seira se nonoga tupe i auala pepelo ma faamaumauga sese, mulimuli ane na ia tala le nonoga tupe ma faaoga.
O le masina fou olea toe fofogaina ai lenei mataupu i luma o le faamasinoga maualuga
