Ua taunuu ai le afioga ile Faamasino o le Faamaisinoga Maualuga, Justice Tuatagaloa , i lana faaiuga e faafalepuipui le tama talavou ia Edward Ulberg o Tulaele i le 12 tausaga ma le fa masina faafalepuipui.
O le faasalaga na tolaulau ile amataga o le vaiaso, o le soligatulafono lea na fasiotia ai e le tama talavou lona toalua a’o to.
Na ulua’i molia Ulberg, ile fasioti tagata, faaoomanu’a ogaoga, faaoolima, umia o a’upega mata’utia, o le fasioti tagata pa’ivale ma le fasiotia o le pepe e le’i fanau.
Peita’i ile maliega na faia ma leoleo, na ia ioe ai ile fasioti tagata pa’ivalea, ae faaleaoga uma isi moliaga. Ae ile lipoti a leoleo, o ta’u mai ai sa tatui e le tama lea lona to’alua.
O saunoa ai le afioga i le Faamasino, Justice Tuatagaloa, ” o le gaigoiga sa e faatinoina i luga o le ita, peitai ua tele ai se aafiaga lo ou aiga aemaise si au fanau ona o le latou maitau ua leai se tina, ma e le mama i le faamasinoga ituaiga soligatulafono aemaise o sauaga faapenei, ae o le itu lelei mo le tama, o lou salamo, uma le ifoga, ma le vave na ioe.
E 18 tausaga na mana’o leoleo e amata mai ai se faatatau faafaasalaga falepuipui, ma talia e le faamasino.
Aveese ai le 12 masina mo le ifoga, 4 masina ile vave ioe, toesea le 20 masina mo le taimi muamua ua tula’i ai ile faamasinoga. Ma totoe ai le 12 tausaga 4 masina le faasalaga falepuipui ole tama talavou, aveese ai ma le taimi na taofia ia ile falepuipui e faatali le faaiuga.
