Ua ioeina e alii o Gafa Siona Taufao 39 tausaga mai le afioaga o Malie moliaga e lua o le le’i laiseina o le taavale ma le moliaga ole le tu e fesoasoani i le tagata na aafia.
Ae o lo’o ia te’ena le moliaga e tasi o le ave ta’avale fa’atamala ua mafua ai le maliu.
O le taule’ale’a o loo ta’ua i luga o ia lea sa fa’afoeina le taavale na lavea ma maliu ai e tamaita’i Saina 48 tausaga i le vaveao o le Aso Sa i le lua masina talu ai.
Peita’i na atoa lelei le vaiaso amata mai le Aso Sa na tula’i mai le fa’alavelave o tau saili pea le na afua ai ona tupu lenei fa’alavelave.
E tusa ai ma ripoti po’o tatou su’esu’ega ua silia ma le lua tausaga o nofoia e le tina ua maliu Samoa ma faia ai ana pisinisi faleaiga i Ululoloa.
O le tulai ai la o le ua molia i luma o le fa’amasinoga maualuga i le amataga o le vaiaso nei, na faaulu faatasi atu ma lana talosaga e tauala atu i lana loia.
Ina ia tatala o ia i tua e talia ai le Aso 6 o le masina o Me o le tausaga fou mo le fofogaina o mau o lana mataupu.
