Ua ioeina e Tuafale Faafetai ma Peniamina Lisone moliaga o le faao’o lima, i luma o le afioga ia Niava Mata Tuatagaloa o le Faamasino o le Faamasinoga Maualuga i le amataga o le vaiaso nei.
Peitai o loo latou tetee i le moliaga o le fao mea ma le faaoo manu’a tuga.
O alii nei lea na taofia e leoleo mai le faaooga lima sa o latou faia i se isi alii talavou mai le afioaga o Laulii ma pueina i le telefoni ma faasalalau mai luga o upega tafailagi.
O le mataupu lea na lipotia mai i le masina ua mavae ma na faia lea solitulafono i Motootua.
O le isi o talavou o loo molia e toafa ai i latou, e na o le 15 tausaga lona matua, na tatala i tua e le Faamasinoga Maualuga i le vaiaso na sosoo ai.
Ma faasee atu ai lana mataupu i le Faamasinoga o Tupulaga Talavou (Youth Court).
Peitai o lea ua faatulaga mai e le afioga ia Mata Tuatagaloa le aso 4 o Mati o le tausaga fou e to laulauina ai loa mau o lenei mataupu.
