E iva masina lea ua toe taofia ai le alii o Samuelu ile toese talu ona faamauina le teena ai e le faamasinoga o lana talosaga e tatala ai o ia i tua mai ile falepuipui.
Ole alii lenei o Samuelu Su’a oloo taofia i lona faia lea oni faamatalaga sesē e uiga ile mataupu lea na tulai mai ia Aperila ile tausaga e 2021.
O lana talosaga na ave lea e manao e tatala ai o ia i tua ona o iai aafiaga faalesoifua maloloina, peita’i i faamaumauga a le falema’i na faamaonia ai e leai ni ona aafiaga faalesoifua maloloina lea na tuuina atu e lona aiga e fua i luga o suesuega a fomai.
Ole teena ai ole tatala ai o ia i tua e fua lea i luga o ana faamaumauga ile tele o igoa o lenei alii oloo alu ai ile pepa fanau nei iai ni tulaga lamatia pea fai e tatala i tua Samuelu.
Ae le gata foi i lea ua faamaonia ile faamasinoga oloo ia taumafai e fesootai i molimau a leoleo.
Ole alii lenei o Samuelu na ia faaalia i ana faasalalauga i luga o aupega tafailagi e faapea o ia sa iai tonu lava ile taimi na tupu ai le faalavelave ise alii sa aoga ile Iunivesite ile tausaga 2021.
Ma ole masina o Me ole tausaga fou lea ua faamauina ai olea faatinoina ai suesuega ole mataupu i luma ole faamasinoga faaitumalo.
