Ua ave ai nei le faataua a le pulega o le liki kirikiti i Salafai ile faailogaina o le 60 tausaga o le tuatoatasi o Samoa.
E ala i tapenaga o le Kilikiti Samoa ua tatala le avanoa i au a Salafai ma Upolu e amata ai loa ona lesitala mo taaloga o le sisiga fua 2022.
O saunoa ai le Failautusi aoao a le Asosi kilikiti, Fiu Siolo o Sili Savaii, ole’a faamautu a latou tapenaga uma mole tausaga atoa o lumanai nei o le sisigafu’a.
Faaui atu ile feiloaiga a sui ma kapeteni o au kilikiti e fia auai, i le maketi i Salelologa i le taeao o le Aso Toonai nei, 21 Me.
E oo mai nei o loo saofa’i pea le siamupini ole Kilikiti Samoa ile au a le Afaluko mai Sili. I taaloga ole tausaga talu ai na malaga atu ai au e lua a Upolu, a le Makei mai Saleimoa ma le au a Fusi Safata
O au a Savaii na latou fetaui e aofia ai le ‘au malosi mai Samata, Fualuga, Fualalo, Sili, Gautavai ma Saipipi,
Ma siamupini ai lava le Tanifa o le Vao a Sili i taaloga o le Teuila ma le Sisigafua ole 2021, ile malae i Vaigafa Gautavai.
Saunoa foi le Susuga Fiu Siolo, ole kilikiti Samoa lava ia o le a faauaua pea ona faia i Savaii, ma ua avatu le valaaulia i afioaga o Tumua ma Pule, e faaulu ane ni latou au kilikiti mo le polokalame faapitoa, o le Liki Kilikiti o le 60 tausaga o le sisigafu’a a Samoa.
Ole 9 ile taeao o le Toonai nei e feiloai ai sui o au ile maketi Salelologa aua tapenaga mo le faamoemoe.
