E iai lava aiga o ‘Samoa i le siosiomaga lalata mai ile taulaga e le’i oo lava iai manuia o le suavai poo paipa.
Na afua ai ona talosaga le tasi o nei aiga mose tane vai, ile Toomaga mo e Puapuagatia. Ma ua fetaui lelei le oo atu iai o le latou tane vai ma aso fiafia ole Kilisimasi, e fai mealofa ai aiga ma matua ae o fanau i Matua. Ae ua faamealofa atu ai e tagata ole tatou atunuu, e le’o fia faailoa o latou suafa le tane vai, 1000lita i lenei foi aiga i Malie uta.
Ma tauala atu i le Samoa Victim Juniors, ile vaiaso talu ai, e faatulaga ma faatu, ma ua fetuai tonu ai lava foi ma timuga ole faaiuga o le vaiaso.
O loo faafetaia ai pea e le Toomaga , vaega faapitoa o le tatou atunuu, e le’o mana’o e faailoa o latou suafa, ae o loo tuuina mai fesoasoani faapitoa lava mo aiga e le’o oo iai paipa, e ala i tane vai.
Na faafetaia foi e le Peresetene ole Toomaga , ‘afioga a Siliniu Lina Chang le Asosi o Faafafine Samoa, Susuga i le Peresetene Alex Su’a ma le former Miss Samoa Fa’afafine, Miss Honey Julia Solofa ae ole Aosi, ile faapaaga faaauau o faia pea, e ala i lo latou foi sao i le tausiga o fanau na aafia i Sauaga i totonu o le lotoa le, Campus of Hope i Tuana’imato.
