O le aveesea ole faatutuaga ma le Matagaluega o Leoleo ma Falepuipui a Samoa.
O le mafuaaga tonu lava lena ave ai e le malo ua tula’i ma nei o le avanoa, ise Komesina e fili mai totonu o le Matagaluega o leoleo i le taimi nei, e nate taitaia lo latou sa folau mo lesi tolu tausaga ua savalia.
Na saunoa le afioga i le Komesina o leoleo Faualo Harry Schuster ile faatalanoaga faapitoa ma le leitio Polensia i le Aso Gafua ole vaiaso nei.
E moni ua afaina le faatuatuaina o le Matagaluega, ua afua ai le faatatau ale Malo, e toe tuu iai le taitaiga i tamalii o loo galulue i totonu ole Matagaluega ile taimi nei, ua iai le silafia faapitoa latou te toe faasagatonu ai ni pi’opi’o o iai.
Ua ave ai nei le mata’itua a le Malo i le Matagaluega lea a Leoleo ma Falepuipui, ile tolu tausaga lea ua avatu ai nei iai le avanoa, e toe faafoefoe ai e latou le matagaluega ina ia toe pu’e mai le faatuatuaga o le atunuu ia latou.
I le faasalalauga ole sailiga ose Komesina o le matagaluega na talosaga uma ai ana Sui Komesina ile avanoa. ua lata i le tausaga o talia se tu ile foe. Ma fili mai ai nei i totonu le Komesina fou, le Susuga Auapaau Logoitino Filipo.
Ua afua ai le feiloaiga tele ile amataga ole vaiaso, ile maota o le EFKS Hall i Sogi, na auai le silia i le 600 alii ma tamaitai o le Matagaluega o leoleo ma falepuipui, e aloaia ai le feiloai atu i lo latou Komesina o se tasi lava oi latou.
O faaletonu sa iai i totonu o le Matagaluega, sa le mafai ona fofo e leoleo, na saunoa ai le Minisita ina ua fesiligia e le Leitio Polensia, o le mafuaaga lena sa fili ai le Komesina o leoleo mai fafo atu o le Matagaluega, i tausaga ua tuanai.
Na faamanatu e le komesina lona auvaa, i o latou faalupega ose faaeaea mai tagata lautele, o le alii mamalu o le malo, e taula’i iai lana auaunaga.
