E toalua Komesina fou o le Samoa Competition ma le Consumer Commission ua tofia nei iai le Susuga a Leaula Mata’afa Dr. Desmond. U. Amosa ma le Susuga a Papalii Malietau Malietoa.
E tai tolu tausaga o konekarate a ia foi tamalii ua totofi e fai ma Komesina o le Ofisa o taua i luga, ma faamauina i le ofisa o le Matagaluega o le Commerce Industry and Labour (MCIL).
O le toalua lea ua amata ai a la konekarate ile vaiaso nei, e faaopopo, ile susuga Charles Sweeney, ua tofia e avea ma Taitaifono o le Komisi, o le Regulator ma e ole Ofisa sili foi ole MCIL.
Na sui tulaga mai Sweeney ile Taitaifono, ole Komisi, mai le susuga Nonu Lemauga Saleimoa Vaai, ina ua faamavae e tauavea le tofiga Taitaifono ile Komisi o tagata faigaluega a le Malo, i le 2022.
O le Komisi lea na faatuina i le 2016 i lalo ole Competition and Consumer Act 2016, CCA, e gafa ma le unaia ma le pulea ole CCA, i faiga tau maketi faatauva i Samoa, mo i latou o faia fefaatauaiga i Samoa, ma le siosiomaga i tulaga tau ile alu i luma o pisinisi.
O le Matagaluega o Pisinisi ma alamanuia lea galulue faatasi ma le Komisi, i ana faamaumauga fai.
