Ua taunuu mai nei i le taimi taupoina ole Fesitval poo le koneseti a le S.P.A.C.E [Samoa Performing Arts &; Creative Excellence] ua faaigoa o le ALLAN ALO ARTS FESTIVAL 2022.
O le S.P.A.C.E ua iai totonu alii ma tamaitai talavou, e silia i le 20. O le latou lea sao ile atinae o Taleni Siva i Samoa, aemaise o siva faaonaponei, o siva faitaga e faamatala ai se tala fatu po’o ni lagona.
E lua au Siva faalevaomalo, ua taunuu i fanua, mo lenei faamoemoe tele, tolu aso, po o le Tofi, FAraile ma le Aso Toonai.
O le au faafiafia mai Fiti, le Mata Dance; o le au faafiafia mai Hawaii, le Samadhi Hawaii; ma le ausiva tuufaatasi a le SPACE.
I le feiloaiga a le pulega o le SPACE ma tusitala, i le ofisa autu o le kamupani telefoni a le Vodfone, Na ta’ua ai e le Susuga Dominiques Iosefo, o ta’ita’ia le ausiva a le SPACE,:
” o loo iai taleni siva faafiafia i fanau a Samoa. O loo iai foi avanoa e faalauiloa ai na taleni pei ona molimauina ai ile vaiaso lenei.”
O le Allen Alo Arts Festival 2022, i lona taimi muamua e manatua ai pea lea foi alo o Samoa, ma lona sao ile atinaeina ma le fafatu mai o taleni i Samoa.
O le koneseti, Aso Tofi ma le Faraile e fai ile faletaalo i Tuana’imato. Aso Toonai le po faai’u i Taumeasina ile 7 i le afiafi.
