Ua faafetaia e le Minisita o le matagaluega o Tina ma Tamaitai, o pulea le miliona tala, Mulipola Analosa Ale Molioo, itumalo ua tamuli iai le sainiga o le $150afe, o a la ta’i miliona muamua, o le poloketi atina’e a le FAST.
O ananafi na faato’a mafai ai ona saini lesi lea vaega tupe ole miliona a Itumalo o Aana Alofi 2, o faipule mai ai le afioga a Aiono Tile Gafa ma le itumalo o Fasaleleaga 5 ole afioga a Peseta Vaifou Tevaga .
Ina ua mafai ona o latou faamatala pe tuuina atu ile pulega o le miliona faamaumauga ole faaaogaina o le $200afe tala muamua na avatu iai mo le fausia o latou Ofisa faaitumalo ma tapena ai komiti ma le pulega o le ofisa.
Peita’i ile molimauina a le Minisita o le Poloketi miliona, na ia faamalo ai i taitai o itumalo ile onosai e foia faafitauli sa feagai ai ma a latou fono faavae.
O se taunuuga lelei ua autasi atu ai e saini isi laasaga o le faamanuiaga lea o loo unaia e le FAST, ole ave o lana faamuamua i tagata soifua o le atunuu.
O itumalo uma ia e lua o loo ave a latou lagolago ile faigamalo talu ai a le HRPP, i le uma ane o le palota tele o le 2021.
