Laga i luga le matagofie o Tapatapao

SHARE NOW

Na ma’eu le taufa’i taupati o aiga ma tagata ta’ito’atasi o le au faifa’atoaga, o alala ma papapaao i Tapatapao ile latou talomua ile Aso Tofi 28 Aperila. 

O le afioaga lea o Tapatapao, o lo’o iai aiga e nonofo i luga i latou fanua fanua umia sa’oloto ma eleele galue o loo faato’a ma galulue iai tagata mai vaega eseese o le Vaimauga ma le atu Faleata.

Peita’i o aiga e iai faatoaga lea na faaautu iai tapenaga ole Talo Mua matagofie, pei ona molimauina mai e le afioga I le Minsita o Faatoaga ma Faigafaiva, Susuga i le Laaulialemalietoa Polataivao Leuatea Polataivao Fosi Schmidt.

Na saunoa le Minisita, “sa auai atu i le tatala aloaia o le Talomua matagofie i Tapatapao, i fua o faaeleeleag eseese e aofia ai: taamu, talo,   aufai ma ufi eseese, talopalagi, fualaau fai sua eseese ma ‘ava, tolo uli, popo, ulu, ma le anoanoa’i o fualaau aina.

O le taunuuga manuia o lenei faamoemoe, ole aufaifaatoaga i Tapatapao: Sa foaina atu iai e le Malo tulaga masani i mea faigaluega ma le tino i tupe e fesoasoani ai i le au fai faatoaga aua le faaauauina o latou atinae , ina e le gata i le tamaoaiga i tupe ae o taumafa ia faaauau pea ona selesele.

Peita’i ile uma ane o le faaaliga, ma ofo alofa atu e le au faifaatoaga o latou sao ile Maota o tama ma tina matutua i Mapuifagalele, ma le maota o Monike i Vailima, e auaua’i mo a latou taumafataga.