Ua lagolagoina e le Faipule o le itumalo o Vaimauga Numera tasi, sui o le HRPP Sulamanaia Tauiliili Tuivasa, le tala o le tupe faasoasoa faaopopo 2023-2024.
Peita’i o loo ia faitioina le sese ole taimi e avatu ai le siitaga o totogi o Minisita, sa tatau ona tuu i le tala ole tupe autu, i lesi ono masina o lumanai.
“E le’o se tupe tele ua toe faaopopo, ma fetuunai ai nisi o vaega, e lagolago e le itumalo, le tala ole tupe, ae ose tuualalo, maitau ma le toto’a o iai le toe faamatuu atu o seleni mo totogi o Minsitai fou, e sese le taimi, o mea nei o totogi ma tupe tetele sa tatau ona sau i le mea autu, ole suplimentary le mea, e le’i oo iai le malosi, ae o lea ua sau ai totogi o Minisita, ae tatau ona fai totogi o Minisita fou ia e lua, e tai lua minisita
Ae e le gata o le’a sii totogi, ae o taavale, sefe na tupe, ona alo lea o outou ile masina o Iuni,
“O suiga o Minisita ua iai, e tuualalo atu, ile MCIL, o fesuiaiga ia, ae o faiga faavae, ole MCIL sa lelei ona faafoe, ae o galuega faavaitaimi na avatu i totonu na lape ai, ma suspend ai le pule o lea matagaluega, ma tula’i mai le faiga fou, ae ua tele isi tupe alu,
E le gata ua avatu e le matagaluega o tupe, ae ua iai foi isi komiti mo tagata malaga, ae a ua lava na komiti,
“O oloo iai komiti mai itumalo , ua lava na komiti,
Na oo le saunoaga a le faipule ile matagaluega o le soifua maloloina ma laga ai ni tuuaiga, sa le tuumamaina e le Minisita Valasi Togamaga Tafito, le faamalama ile faipule o Vaimauga, le oo atu ole fuafuaga a le malo, ile tatau ona maua penefiti a tagata o iai aafiaga tumau ile mafaufau.
O tuuaiga ile faataugata o le tau o masini faamama toto, mo tagata Samoa e malaga mai fafo, ae tatau ona avane tupe e sii ai totogi o faipule, e faagaoioi ai le falemai faamamatoto.
Na saunoa Valasi: o Setema 2023 na pasia ai ele Revenue board ma tuuina atu i le kapeneta,
O le $600tala o loo totogi e le Tagata Samoa, e sitiseni i soo se atunuu i fafo, ae afe tala mo le tagata e le’o se Samoa.
Faatusa i le $980 NZD e faamama ai le toto ole Samoa i Niusila, e aunoa mase faafinauga.
O ma’i e faamama toto, e avatu i Niusila, e totogi cash muamua, faatoa faamaonia le talia ole togafiti i Niusila.
Molimau Valasi, o loo iai foi fetuunaiga i lona ofisa mo talosaga e oo atu.
“Ae a vaai ile matautia o le mea ua oo iai le tele o tagata, o le 600 a le Samoa sitizeni i fafo, ae afe tala ile tagata mai fafo.
Ole mea sili ona taua, a faatusa le Samoa e alu i Niusila, e 980 NZ e faamama ai lou toto e le mafai ona e finau i Niusila e faapa’u le faamama lou toto.
A ave tatou gasegase, e tapa muamua e Niusila le cash, a’o lei avatu le ma’i. afai lava e 40afe NZ e totogi ile taimi e taofia ia lona mai i Niusila, o lena.
O le tele o tagata gasolo mai, a o atu i le fale faamama toto, e ta’u ane loa le 600 Samoa, o mai loa i lou ofisa, omai ile Kilisimasi, e mafua aisea na e sau ai,
Ole maliu ma le faaipoipoga, Talosaga mai pe maua se avanoa ile masini, aua e le mafai ona sau le tagata mai fafo le avanoa ole tagata ua uma ona faatulaga.
O lesi te’i lava ua tu mai, ae le’i logo muamua mai.
E o atu e leai se faamaumauga sa talosaga mai, aua mana’omia le talaaga o lou soifua maloloina. “
