Ua atoa ai ile aso le vaiaso talu ona auaua’i pusa saimigi ma isi taumafa na tauaao atu ele Vasega o leoleo tamaitai, mo fanau a Samoa o loo i totonu o le Campus of Hope i Tuana’imato.
E silia i le 50 tamaiti e tele lava i alo teine ma nai tama , o loo tausia e le Samoa Victim Support Group, ona o aafiaga mai i tua, i sauaga eseese.
O le meaalofa ua manuia ai fanau o ta’ua i luga, a le Samoa Police Womens Advisory Network e manatua ai le faailogaina o le Aso faalevaomalo mo tamaitai ole lalolagi.
O le tamaitai ofisa sinia Aldore Mamaia na ia fai ma sui o le tamaitai Sui Komesina Papalii Monalisa e faaleo le mealofa, e le gata o taumafa ae o oloa mo faletaele.
Ma faafetaia ai e le pulega o le Toomaga lea fo’ai faaletausaga a tamaitai leoleo.
Na molimauina mai foi le faaoo ane o le sao o leoleo tamaitai i Salafai, ile ofisa o le Toomaga i Tuasivi Savaii, Saunoa ai Aldora, ole agaga fesoasoani , ma le loto ole galulue faatasi ma le Toomaga aemaise o le latou auaunaga .
Na faafetaia ai foi e le Peresetene o le Toomaga ia Siliniu Lina Chang le agaga o le mafutaga i lea aso.
Ua faaau ai ona maua pea taumafa a fanau, ae o popo mo le tausiga, ma faafetaia ai le agalelei o tamaitai leoleo.