E leo iai se manatu i le Kamupani telefoni a le Vodafone e faamuta ia Haylani tamaitai Samoa e latou te lagolagoina ma auaina atu i tauvaga tetele.
Ae ua vaavaa lua nei ma le Pulega o Turisi e faia se maliega ina ia la galulue faatasi mo le lagolagoina o tamaitai Samoa o loo auai i tauvaga sailiga tausala, aua o le tasi lea auala e fesoasaoni malosi i le faalauiloaina atu o Samoa ma siitia ai lona tamaoaiga.
O le amataga o le vaiaso nei na faia ai se feiloaiga a tusitala ma le aufaasalau, ma le tamaitai ia Haylani sa tulaga muamua i le sailiga tausala o le Kelope.
Ma maua ai le avanoa e momoli mai ai lana faafetai ia Samoa mo le lagolago ma le tatalo na iu ai i se taunuuga lelei ana taumafaiga.
Taua e le tamaitai ia Haylani e toa 69 tamaitai eseese o le lalolagi na latou tauva, ma sei mamao lava lona mafaufau e ausia le toa 5 pito i luga e pei ona molimauina e le lalolagi atoa.
Ae sa momoli faatasi mai ai ma lana faamalosiau ia tapuai faiva o le tausala o Samoa o loo alo atu i le sailiga tausala o le Pasefika, le tamaitai ia Moemoana Safato’a.
Ma faaiuina polokalame uma o le toe foi mai ai o Haylani i Samoa ise aiga tele na faatautaia ile po anapo ile Taumeasina.
