Ao agai atu ai le atunuu i vaitau o aso fiafia, ua tumutumu mai foi aiga mai fafo ma feasiasi solo, ae ua toe taunapa mai le Matagaluega o le Soifua Maloloina e faamanatu mai le faataua o le puipuia o lou soifua maloloina.
Ina ua faamauina le toe aliae mai lea o le Koviti 19 i totonu o le atunuu ae ua o faatasi ma le flu, e tutusa uma auga o faamai nei e lua ma ua faigata ai ona mateia e tagata poo fea tonu o faamai nei o loo maua ai.
Saunoa le faatonu sili o le Matagaluega le afioga ia Aiono Dr Alec Ekeroma,
“E faigata ona mataitu tonu tagata o loo maua i auga o le Koviti ma tagata o loo maua i le Flu,
“Talu e tutusa uma auga o faamai nei e lua, ae o le fautuaga e tuu atu pea i le atunuu, ina ia faaitete i aso fiafia,
Aua o lea ua faamauina le siitia maualuga o le fuainumera o tagata e faimalaga mai i totonu o le tatou atunuu.
O fanau o le isi lea itu o loo faapito ai le popolega o le Matagaluega nei maea ane aso fiafia ae tau togafitia fanau iti ona o le le faaitiete.
