O le aso faraile o le vaiaso nei o le a fofogaina ai le faasalaga mo Malele Paulo ma Lemai Sione i le moliaga o le taupulepule e tagatavaleina le sa avea ma Palemia o Samoa, le susuga ia Tuilaepa Sailele malielegaoi.
O le amataga o le vaiaso nei sa atofa e tuuina mai ai le faaiuga a le faamasinoga peitai, na talosaga le loia oloo tulai mo Malele e lei sauni mo lea tulaga ona e lei maea tapenaina lana folasaga (submission) mulimuli.
E le gata i lea na talosaga foi le loia oloo tulai mo Lemai, ina ia faataatia ese le fofogaina o se faaiuga a le faamasinoga seia maea ona tagofia e le faamasinoga o apili le talosaga apili a Lemai.
Na talia e le faamasinoga ia talosaga e lua ma o le aso Faraile o le a toe valaau ai lea mataupu i luma o le afioga ia Justice Vui Clarence Nelson.
