Ua fai le faiuga a le Fono Faatonu o Ava malosi, o loo taitaifono ai le Sui Palemia, Tuala Iosefo Ponifasio, e le mafai ona faafou le laisene faatau ‘ava malosi o le Tatiana Investment ole falekalapu o le RSA ile taulaga i Apia.
Sa fautuaina le pulega o le falekalapu, ole faaauau pea ona latou faatau ole ava malosi, ole sala e oo atu i le $10afe poo le falepuipui ile ono masina.
O lea faiuga na tusi atu ai le Failautusi a le Fono faatonu o Avamalosi , ma maua ai le katou kopi.
O le tusi ole aso 12 o Iuni 2023 faatuatusi atu ia Amituanai Faleulu Mauli, faatonu o le Tatina Investement Co. ltd.
Ile tusi o ta’ua ai e tusa ai ma le fono na faia ia Iuni 6, na faiugafono ai e taofi le talosaga ae sei iloilo le lisi e le’o iai faamaumauga ole lisi.
Ma na maitauina foi e le Fono Faatonu o Ava malosi, oloo iai se faaletonu i le va ole fale ole RSA ma le MNRE Matagaluega o Oa Faanatura ma le Siosiomaga.
O loo maitauina e le MNRE peiona ta’ua ele tusi, le’o iai se lisi ile tami nei, Ma ua taunuu ai le , Pulega faatonu o le Ava Malosi, Sei maua se taunuuga o le matupu lea, ona toe iloilo lea ole talosaga.
Ma na faailoa atu foi ile tusi molimau na oo ane i le faatauga o ava malosi ile falekalapu lea ile vaiaso muamua o Iuni. Ae ole mataupu lea o le faatau ole ava malosi e leai se laisene e ogaoga le solitulafono . Ma e le tatau ona toe solia le tulafono e le falekalapu.
E le’i maua se fesootaiga ma le Tatiana Investment ile taimi o tatou tala fou mose faamatalaga.
