Na amatalia ai le fonotaga a le Palemene ile taeao o le aso i le saunaoga faa Minisita a le tamaitai Palemia le afioga ia Fiame Naomi Mataafa
Ma faamatala auiliili nisi o mataupu sa fetauaina ai i faamatalaga le aafia ai o Minisita o le Kapeneta, pei o le vaa lea na sau faasolitulafono mai Tutuila ma agai atu i Savaii ma le uta a se aiga.
O le vaamoe lea na tuai mai ile aso 2 o le masina lenei e sootaga i le aumalaga a Saina lea na malaga mai i malaga togipau e tauala mai ile kamupani a le Travel Focus.
O le travel Focus o se tasi lea o Kamupani na filifilia e le Pulega o Turisi e latou te faalauiloa atu Samoa i Saina ma Asia ile tausaga nei mo le 6 masina, ae o loo faasolo le faalauiloa o se kamupani e latou te faalauiloa Samoa pei o isi sui faalauiloa o isi atunuu ma isi itulagi.
Ma o le travel focus foi o loo taimua ile totogiina lea o malaga togipau a tagata Saina, ma o loo fai paaga foi ma le Kmaupani a alo o le Minista o Faatoaga ma Faiga faiva o le Royal Tours.
Pei ona saunoa iai le tamaitai Palemia
“Oute fia tautala puupuu ile kamupani lenei o le Travel Focus Hong Kong Ltd o se kamupani e lesitala i Hong Kong, ma e lua ana matata o loo tauave mo Samoa, o tagata malaga mai Saina, upuia ai mautofi o le malo,
“Lau afioga le fofoga fetalai, ma le mamalu o le palemene e le mama ia te au o le taitai o le malo, le aafia o au Minista ile matupu lenei, o pulega lelei o se tasi lea o poutu o pou e lima o le anava a le vaega faaupufai o le Faatuatua ile Atua Samoa ua Tasi.”
Peitai ua iloa ai foi sootaga e lua a lenei Kamupani i Samoa, ma ua tonu ai le manatu o le palemia o lea tavavae ese loa le auaunaga ma le toe iai se sootaga a le Travel focus ma le Pulega o Tagata maimoa mai fafo ina mautinoa e leo iai ni fesootaiga ma mautofi o le malo pei ona saunoa le Palemia.
“Apeitai ina ia faatino le amiotonu, oute manatu ua le talafeagai ona toe faauaua e le Travel Focus le avea ma sooupu faalauiloa mo le Puega o tagata maimoa mai fafo, e avanoa ona faaauau pea matafaioi faakamupani femalagai e pei o malaga togipau,
Ma ua faataatia ai e le Kapeneta le saunoaga a le afioga ile Palemia ile laulaua fono latou te filifilia se aso e talanoa ina ai loa mataupu pei ona ia saunoa iai.
