E ui o loo toe molimau lava le pulega o le Matagaleuga o leoleo ile faatupula’ia o tagata aemaise o tupulaga talavou, o a’afia i fualaau faasaina, aemaise o le aisa ile atunuu.
Peita’i o Saunoa le afioga i le Komesina ole Matagaluega, Auapaau Logoitino Filipo, e le’i maua lava ni faamaumauga maumaututu o loo gaosia le aisa i Samoa.
O masaloga lava o loo aumai mai fafo. peita’i ole auala o loo faaui mai ai, o le misikelio lilo lena a leoleo ma’i latou o loo sootaga ile faatau faapisinisi ole aisa i Samoa ma lepeti ai soifua mu’amu’a o fanau talavou ale atunuu, i alii ma tamaitai.
O le aso Lua o le vaiaso fou, e tulai ai nisi foi alii e to’alua, o molia i le umia o fualaau faasaina ma masini faaonao po nei ma tupe.
O se vaega lena o alii e lima na maua ane i le osofaiga a leoleo i Moamoa e lei mamao atu.
O osofaiga nei a leoleo o loo molimauina mai ai ma tagata faigaluega i ofisa o le malo, pei o le ofisa o aoga, ofisa o le NPF, ofisa o Palota ole matagaluega soifua maloloina.
Ma o le agaga faafetai ole alii Komesina Auapaau, ona o le fesoasoani a atunuu e logo ai leoleo i tulaga masani ai lava mo le silafia ae o le latou galuega suesue o faaauau pea, ile taua tetee atu i fualaau faasa, ae ose Samoa saogalemu male filemu.
