30 Tesema 2024, Samoa: Ile taunuuga o le suesuega faapitoa , e tusa ai ma le lipoti na tuuina atu, ile afioga I le Minisita, ae o le Taitaifono ole fono faatonu o le Ava Malosi, Tuala Iosefo Ponifasio:
Ua iloa ane ai “e le’i talosagaina lava se laisene mo le pisinisi sue tupe le Casino ile faletalimalo o le Sheraton Aggies i le taulaga i Apia, mai le amataga.
O ta’ua e le lipoti, ole suesuega na afaia ile aso 17 o Tesema 2024 ma maua ane ai e leai se laisene e faatau ai le ava malosi ile Casino i Apia.
Ma sa fautuaina ai loa le pule, e taofi ona toe faatau se ava malosi, se ia iai se laisene talafeagai ai.
Na toe alu iai le isi suesuega ile afiafi a’o lumana’i le Kilisimasi, ma molimauina le usitaia o le poloaiga.
Mo le taimi nei e le’o tatalaina le Casino ile Sheraton resort Mulifanua, ma e lei talosagaina foi le latou laisene faatau ava malosi.
Peita’i , ua faamauina sa mulimulitaia le tulafono e talosaga se latou laisene faatau ava malosi ma sa tuuina atu iai.
I aiaiga o Casino nei mai le amataga, sa na’o tagata lava e iai tusifolau mai fafo e taga ona taaalo ai.
