Ua logo atu ai nei e le Pulega o Tulisi le sa avea ma CEO poo le Ofisa Sili ole Pulega o Tulisi, Faamatuainu Lenata’i Suifua , le laasaga o lana konekarate galue i le malo.
Lea e uma lona aoga i le aso 9 o le masina nei o Iuni 2022, e le mafai ona toe faia se taimi faaopopo.
Ua mulimulita’ia lava le faiga a le malo o iai nei, o le faaaua lea e le Sui Ofisa sili o le galuega, faataitai, pe’a uma ane le taimi konekarate a se Ofisa sili.
Ole logo na faaauala atu ise tusi a le sui taitaifono ole laulau ole pulega o Tulisi, Tuiataga Nathen Bucknail ile aso 6 o Iuni. Ma taape mai ai le tusi i tua ua tatou maua ai le kopi.
Peita’i o ta’ua ile tusi, e le mafai ona faaauau pea ona faigaluega se Ofisa sili ua uma le taimi o lana konekarate, ae oloo faagasolo fuafuaga ale Pulega faatatau i le avanoa. E ese mai le tusi o ta’ua i luga, ae o le Susuga a Faamatuainu lea sa faia iai sueseuga a le pulega, i mau tuuaiga sa ia teena.
