E leai se malaga a vaa ile va o Mulifanua i Savaii o mafai ona fataunuuina i le Aso ona o uiga louloua o le tau ma le siisii o le gatai fale, na faamaonia mai lea e le Pulega o vaa.
O le saogalemu ma le malu puipuia o soifua o le mamalu lautele o le atunuu femalagaai ua afua ai lea tulaga e ala i le latou faasilasilaga faalauaitele i luga o Upega tafailagi.
Ua sootaga lelei lea fuafuaaga a le Pulega o vaa Samoa ma le tala o le tau o loo tuuina mai i lenei vaiaso atoa.
O loo matuai faamalosia mai ai fautuaga o Savili malolosi, e aofia ai foi ma lapataiga o timuga mamafa, faamalosia fautuaga o lologa, faamalosia lapataiga mo ogasami i matu, ma saute.
Ua fautuaina mai foi e le Ofisa o le vaaitau le mamalu o le atunuu ina ia feoai ma le saogalemu i luga o auala televavave ona o loo fai ma timuga puaoa ma maseesee le auala.
O uiga louloua lava ia o le tau na afua ai foi ona le mafai ona faataunuuina le amatalia o aoaoga a fanau i le amataga o le vaiaso nei.
Peitai o lea toe tuuina atu ma logo atu e le Pulega o vaa le toe faaauau ai o malaga masani i le va o Mulifanua ma Savaii pea mautinoa ua saogalemu ogasami mo faigamalaga.
