Ua savali ai nei ile tausaga talu ona maitauina e le Susuga ile faafeagaiga ia Leilua, ua le’o toe siakia ana umu faaoso pe’a malaga atu i Samoa mo Niusila.
Pei ona masani ai i tausaga ua tuana’i.
I le molimau a le faifeau, “o le siaki a le customs ile malaevaalele i Aukilani, sa masani e lata ile tai lua itula o tu ile laina e siaki ai umu,
O le masina o Mati ole tausaga nei, na malaga mai ai i Samoa le faafeagaiga, na toe foi atu ai i Niusila ma lana suavai o lu’au,
Peita’i o iina na faateia ile faapea ane o le alii ofisa o le tiute i Niusila, ile Custom “savali ile laina e scan ai ato.
Sa fai atu iai o loo iai le umu o meaai vela poo sa’o le laina e alu iai..
Ae o le tali na avane mo ia, “Ioe ua le toe tatalaina ni umu, o le faiga fou ua iai.
“Pau o lea ia faamaoni ile faatumuina o lau pepa i mea oi totonu o lau ato ma le umu.
Ua molimauina mai foi i umu e avatu i Amerika, aemaise o ulu, sa sili ona faaeteete gata i mea tau faaoso taumafa, i Amerika ua le toe talaiina foi umu ile malaevaalele i LA.
Vagana ai ulu mo Niusila, o loo iai lava aiaiga i uluvela vagana ai ulu oloo ave mata faaaisa..
