Ua taunuu ai nei le Vaega Suesue a le Matagaluega o leoleo ma le Ofisa ole Loia Sili ile faataunuu ai loa ona faia moliaga faasaga i le tamaitai 24 tausaga o Nofoalii lea na taumafai e sola i Ausetalia ile aso 26 o Tesema 2022.
Peita’i ile saunoaga a le Sui Komesina ole Matagaluega o Leoleo ma Falepuipui, Susuga Papalii Monalisa Keti, ile feiloaiga ma Tusitala na ia ta’ua ai: “ua faatalanoa e le matagaluega ma le ofisa o le Loia sili, tulaga o moliaga na faatua mai e le Ofisa Suesue. O moliaga e patino i le solia o tulafono o vaalele, aemaise o le solia o tulafono tau Femalagaiga.”
Peitai e ui ina iloa ua solia tulafono o ta’ua i luga, ae le’i faataunuuina lava le faia o moliaga pei ona saunoa Papalii, o loo faatali ile fautaga poo ai sa’o lava
Ua tusa ma le masina talu ona tupu lea faaletonu ina ua le mafai e ofisa e siakia tagata malaga i fafo i le Malaevaalele i Faleolo ona latou iloa le taimi na maulu ai le tamaitai i luga ole vaalele, lafi i le faleui lea na maua atu o moe ai ina ua taunuu le vaa. Ma le oo ai lana solaaga i Ausetalia, ae toe faafoi mai i Samoa.
