E lata i le selau afe tala se tupe e ono aoina mai e le matagaleuga o leoleo mai sala o taimi o le tapu ole koviti.
Pei ona faamaonia mai e le Sui Komesina o le Matagaluega o Leoleo ma Falepuipui, Auapaau Logoitino Filipo, e silia i le 400 tagata na faamauina faasalaga ile solia o tapu o faalavelave tutupu faafuasei .
Ole sala pito maualuga lava o le $10afe tala a le Samoa National Lotto. Pito atu iai ma le sala a se tasi o aulotu na faasala ai le $5afe tala, ile vaiaso muamua lava o le tapu.
Na tali saunoa le Afioga a Auapaau ina ua tatou fesiligia, “e 490 sala na faamauina. O le tele lava o tagata na feoa’i taavale i taimi ole sa ma tagata feoai ile auala, ma faleoloa e silia i le 10 e aofia ai ma tamai faleoloa, na faatau ai ava malosi i taimi ole tapu.”
Saunoa le sui Komesina ua uma ona totogi le sala a le Samoa National Lotto
