Peita’i ose aso ole a manatua pea i mafaufau o fanau sauaina a Samoa o loo i totonu o le lotoa a le Toomaga mo e puapuagatia i Tuanaimato poo le Campus of Hope. SVSG, ina ua maua ai se latou mafutaga ma le Afioga ile Loia Sili a Samoa, Su’a Helene Wallwork mase vaega o le pulega o le Ofisa o le Loia Sili. Ma ua o gatusa lava ma le sini o lea aso, “Ole Agaga Tautua”.
I le faamatalaga faalauaitele mai le ofisa o le Toomaga, o talanoa ai le Susuga a Su’a faatatau i lesi vaega o le auaunaga a le Loia Sili, ole puipuia o aia tatau a tamaiti, aemaise i fanau o loo sauaina i aiga ma nuu.
Ua faaaoga ai lea foi aso faapitoa e le pulega o le Ofisa o le Loia Sili, e aloaia ai le auauaga na le SVSG SAmoa Victim Support Group.
Ma e le’o faagaloina lava le auaunaga o loo faia e le SVSG, ua afua ai le feofoofoaiga i lea aso, ma ose aso ese foi lea, i fanau o loo faanofo esea ai ile lotoa Campus of Hope i Tuanaimato. Ma faafetaia ai e le Peretene o le Toomaga, Siliniu Lina Chang le agaga o le asiasiga a le Ofisa o le Loia sili, ma le tatalo ia avea le mafutaga i lea aso, ma molimau e faamalosia’u ai ile aufaigaluega, e faia le amiotonu mo tamaiti uma ua afaina a latou aia tatau.
