Na faatumulia le ofisa o le FAST Faatuatua ile ATua Samoa ua tasi i Tuana’imato, ile lesitalaina o ana sui tauva mo le palota tele ole 2026.
Mole aso lava ia, 3 Fepuari, e oo ane ile afiafi ua lata ile 20 itumalo e le’o iai ni sui o le FAST ile taimi nei, ua mae’a lesitala ai nei, matai, e avea ma latou sui tauva o le palota tele ile tausaga fou 2026
E tausaga atoa lava lea o loo totoe ile taimi nei e tapena ai sui tauva mo le tofi.
E le’i maua se tatou avanoa ile afioga ile taitaifono ole FAST, Laalialemalietoa Leuatea, peita’i ile tatou maitau e tatau ona silia ile 30 itumalo e mana’omia ona galulue ai le FAST e toe maua ai ei latou le manumalo mai le palota tele ole tausaga fou. Faaopoopo i lana 20 faipule lea o loo tutumau pea ma usita’ia feagaiga a latou itumalo ma le FAST.
O loo faaauau lava le faigamalo a le FAST ile taimi nei, e ui ina ua faatete’a ese le to’aono o ana Minisita ma lona taitai, le afioga ile palemia mai le FAST, ae ua amata mea ai nei ona gasolosolo atu lava itumalo e momoli atu o latou sui ile palota,
Pei ona lesitala ai le lata ile 20 sui tauva mai na foi itumalo.
O se taimi maua se tatou feiloaiga ma le afioga ile taitaifono, mo suafa o itumalo ae o a latou sui tauva.