E 28 tausaga o Maria Grace Ulu, ae ua lua pisinisi ua ia fausia mo le lumana’i o lana fanau e to’atolu.
Ua molimau mai le tamaitai 28 tausaga ia Maria Grace Ulu mai le afioaga o Manono uta o loo faatuina lana pisinisi i luga o le Amau Produce Market ma faaigoaina o le Jerebelle’s Variety ma le Oka Iapani ICM.
O lenei pisinisi pei ona taua e Maria na amata mai e na o le sei lava sa ia gaosia ma faatau atu i le tausaga e 2019 ina ua ia maitaga i le tama o lana ulumatua la te leo toe mafuta nei.
Peitai o se vavega e na te lei talitonuina ae o se taunuuga foi ua oo iai lana pisinisi o le fale ofu ma soo se oloa mai fafo ua mafai ona ia tuufaatasia nei i totonu o lenei faleoloa.
Ae na taua foi e Maria sa lei faigofie le amata ina maia o lenei pisnisi e lei iai foi se isi o lona aiga sa fesoasoani ia te ia seia oo mai le taimi nei ua fai lana au faigaluega ma ana ia lava maketi.
Taua e lenei tamaitai o se fiafiaaga ia te ia ua mafai ona ia faiafai saofaga faatasi ma ona uso ma tuagane ma fesoasoani i faalavelave ao latou aiga.
E le na o le fale oloa ua mafai ona galueina e Maria ua mafai foi ona ia fesoasoani i le atunuu e saili pe faatauina mai a latou taavale lelei ma aganagata mai atunu’u e mamao Ma ua iai le faamoemoe o Maria o lea siitia ma faaleleia atili lenei pisinisi mo le lumanai o lana fanau e toa tolu.
Na ia ave foi le faamalosi au i tamaitai Samoa uma ua fai a latou fanau ina ia aua nei muta ai le ola finau ma le taumafai ma e leo le muta’aga foi lea o le lumanai.
O Grace ua maliu lona tama ae toe nei o lona tina o loo la mafuta nei ma lana fanau e toa tolu.
