Ua atoa ai le 230 tausaga talu ona faavae le ekalesia LMS London Missionary Society, ile lalolagi, peita’i na mulimuliane suia le igoa LMS i le EFKS, Ekalesia Faapotopotoga Kerisiano Samoa.
Ole Aso Sa a sau nei, 21 Aukuso e faamanatu ai le 130 tausaga talu ona faavae le Malumalu EFKS i Apia.
E le’o toe tele ni maota poo ni malumalu tuai ua oo ise selau tausaga pe sili atu foi o loo totoe pea i Samoa.
Ua ose tasi lena o tulaga mata’ina ile malumalu ole EFKS i Apia, ma lana lotu , lea e faia i le ‘aso Sa 21 Aukuso 2022.
E faailoga ai le 130 tausaga o le malumalu i Apia lea ua fausia ai i talane le fale tele ole EFKS, le Ioane Viliamu
E lasi tala faasolopito ole malumalu , Taimane o le Vasa loaloa.
O lana faafeagaiga o lo o iai nei, I faamaumauga, e iai le sootagata va lalata ma le faafeagaiga, Rev Nemaia ma le Faletua ia Noema, o le ulua’i faafegaiga i le malumalu.
I faamaumauga, na amata fausia mai le ile 31 Aukuso 1892 ae umusa ile ono tausaga mulimuli ane 8 Me 1898. Ma faamanatu ai ile falesa lea le atoaga o le 100 tausaga o le LMS ile lalolagi.
O lesi vaega taua e manatua ai pea le malumalu lea o le EFKS o Apia, o loo faamalumalu ai toega ole tino maliu ole ulua’i Misionare Ioane Viliamu, e ui ina e le’i maliu i Samoa peita’i o lana faatalaleleiga o Samoa lesi mafuaaga o le aloaia ai o lona taoto i le malumalu EFKS o Apia, ma lona maa faamanatu o loo luma maota iai .
Ua faitau fia auga tupulaga o alo ma fanau o tama fanau a le EFKS talu ona faavae i Apia.
Reverend Nemaia & Noema (29 November 1885-11 June 1889)
Reverend Solomona & Senetima Esene (1889-1918)
Reverend Pouesi & Siuila Pouesi (1918-1942)
Reverend Tapeni Ioelu (1944 –
Reverend Faulalo and Liai Sagapolutele (1958-1982)
Reverend Galueafa & Sooletala Aseta (1983-1996)
Reverend Utufua & Taiaopo Naseri (1998-2019
Reverend Latu & Lotu Latai o loo iai ile taimi nei.
O le Aso Sa nei, 21 Akuso e faamanatu ai le atoaga o le 130 tausaga ole malumalu, ua ose lotu tausi faafetai a le afioaga o Apia.
