O lotu tuufaatasi a Ekalesia Samoa ile Setete o Kalefonia i Amerika, lesi lea mafuaaga ole feiloai o tagata Samoa oloo aumau ma nonofo i Amerika, pei foi ona molimauina ile fa vaiaso ua tuanai ile Ekalesia a le Aso Fitu tutoatasi, SISDAC, e faitau selau tagata lotu ua savali ai nei ile fa vaiaso o mafuta ile siona i Lynwood Kalefonia, o tagata mai nuu eseese o Savaii, Upolu, Tutuila, ma Manu’a.
O na sauniga sa molimauina ai lauga mai le taitai, susuga Pastor Alamoana Willie Papu, o ia laugaina ai le afio mai o Iesu ile tausaga fou, 2025 ma le taua ole Sapati, le aso na malolo ai le Atua mai ana galuega.
Peita’i o lesi Ekalesia lea na mafuta faatasi foi ona tagata lotu Samoa i Kalefonia, ole Ekalesia Nasareta, na taitaia e le susuga ile faafeagaiga, Pastor Faafetai Asoau ma le faletua ia Elizabeth Asoau. O nei tagata lotu, ua latou faataua mafutaga faakerisiano, ae ole tausia ole nofo fealofani o Samoa i Amerika, ma saunoa ai le tina ia Nia Keil, ua sila ile 20 tausaga o aumau i Amerika, ua maliu lona tolaua ae o lona fatu atoa o Samoa, o aiga i Samoa. Ua maliliu ona matua, ae oloo faia pea le tautua fesoasoani i aiga, lea lava le faasoa. Ole fiafiaga lea mo latou i Amerika, ole tapena i mafutaga, e iloa ai ma isi tagata Samoa.
O na mafutaga na faatasi atu iai le Ata Mua News, sa fesiligia lava ise finagalo faatatau ile palota atu i fafo, mo latou na fananau i Samoa, ma tatou faamuina ai ole 100 pasene o tagata na latou tali, e fia palota atu i Samoa.
Ose faamaoniga o lena manaoga o Samoa i Kalefonia, lea foi ua amata ai tapenaga e faatali ai le malaga maia a le FAST ile masina o Novema, ile uma ane o taligamalo ile CHOGM ia Oketopa.
E toe mafuta ai foi le Ekalesia Nasareta Samoa ile Aso Tofi nei.
Ae ole Aso Faraile ma le Sapati ole vaiaso nei, mo le Ekalesia Asofitu Samoa Tutoatasi i Kalefonia SISDAC.
