Lua matati’a faatu e Don Opeloga i taaloga a Malo ole Taupulega

SHARE NOW

Ua faatuina ai nei ele alii sii mamafa a Samoa, Don Opeloga mata’tia e lua, o sii mamafa a Malo ole Taupulega, ma ana matati’ai e lua o le Oceania, a alii, o le 102kg. I taaloga a le Pacific Elite International Tournament , i Hawthorn i Melborn ile viaso nei. 

O le susuga a Don Opeloga na ia maua foi le faailoga tupe e $1000 tupe Ausetalia, ile  sii sili ile vaega o alii.

O Don Opeloga e faanamatu lona aso soifua ile aso 13 ole masina o Me, e atoa iai lona 24 tausaga. 

Ae ua faamauina le siita’i o lana sii mamafa ile tatou itulagi ma malo ole Taupulega. 

Na pine auro ile vaega o alii, 96kg, i taaloga a Malo o le Taupulega 2022 i Birmingham Egelani.  

Na ia manumalo foi ile pine siliva ile 85kg o taaloga a Malo ole Taupulega, o le 2018, ile Gold Coast i Ausetalia. 

Ua lauiloa lea alo lea foi aiga, sa Opeloge, ile taaloga sii mamafa, pei foi ona maua ai e lona uso ia Niusila, ma lona tuafafine ia Ele Opeloge, pine auro, i taaloga a Malo ole Taupulega o e 2010 i New Delhi. 

Na saunoa le alii faiaoga, Tuaopepe Jerry Wallwork ina ua tatou fesootai atu iai, ile taeao analeila, o loo fai le isi a latou polokalame i Canberra, ae o lana faafetai ile tapuaiga a Samoa.