E toalua ni alii na o e ta palolo i le vaveao o le Aso Lua na malelemo.
Na faatoa maua le tino muamua i le po o le aso Lua ae o lesi tino na faatoa maua i le taeao o le Aso Lulu e le vaa o le gataifale a le malo.
O le tino na maua muamua, ua faailoa mai ole alii faatonu, ia Henry Tavake.
Lipotia e le tatou tusitala i Amerika Samoa, Susuga Joyetta Feagaimaalii, le faamaonia ane e le Faatonu o le vaega Laveai, Faamasino Upuese Galoia, ina ua fesiligia e le Letio Polenisia.
O le au ta palolo, na pauu i lalo ma le vaa i le faatolotolo ole malaevaalele. Ma toe maua ai le tino muamua i le po lava lea ae maua lesi ile tusa o le 11 ile taeao.
Ma ia ta’ua e leo tele ni faamatalaga o maua ane, mai le VAega Lavea’i, na o i tai. O le suega na amata i le Aso Gafua ina ua maua ane le valaau mo se fesoasoani.
Peita’i na toe tolo le sailiga i le po o le aso Gafua, ma toe faaaua ai i le aso Lua.
E lei mafai ona tali mai le ofisa laveai pe na fai se ofu faaola o alii ia, peita’i o lipotia ele Vaega o le GAtaifale, na gafa ma le sailiga, e leai ni ofu faaola na faia o ia alii.
O ta’ua , ole faaletonu tele lena, ole o tagata i le sami e leai ni ofu faaola, e tatau lava ona fai ofu faaola, ae faigata fou ona faamalosia le faiga, pei ona taua e le sui o le ofisa ole Gataifale, a Amerika Samoa.
Molimauina “o gatai ole malaevaalele lea i Tafuna i Amerika Samoa e mafiafia le palolo, e le tau faaaogaina ni vagavaga, O tagapalolo o le tausaga e 1984 na molimauina ai le to’alia o le palolo i le utuutu lava o le malaevaalele. Sa na’o le lolo lava o paelo i lalo ma asu ane i luga, ma faatutumu ai aliga o ulo tai 10galone e tolu na ave ma paelo e fitu na tutumu uma ile afiafi poo le 10, ae o loo mafiafia lava le palolo. I le faamatalaga o lena tagapalolo i le malae vaalele, e le feosoi nisi i lalo i le sami, e tutu lava i luga o augutu o auvae ole malaevaalele ma asu a’e paelo i luga. Peita’i sa matua faasa taputapu ona o nisi e ta palolo i na vaega ole malaevaalele.
Ae o le aiga lea na tolotolo atu i lalo o le togalaulala ile itu i sasa’e o le pa ole malaevaalele, ma fetolofi ai i le pito lava i sasa’e o le taligalu na manuia ai. Na sosolo atu le van a le malaevaalele o le latou asiasiga faataamilo o le malae, ma lifi ai le aiga ile auala tele. E paelo palolo atoa lava na ave ma le Van ole malae vaalele ilena po, e totogi ai..”
Peita’i i taga palolo i Samoa nei lava ia, na lipotia e tolu po o alu asiga palolo, ma oo ane i le po ole Aso Lua ua ta ai le palolo, ae faaleai ni tagata na o, ae na tetele i gataifale e masani ai.
O popolega tele foi lea i o tatou tagata i taimi o taga palolo, e molimauina lava le fataa’i solo e galu o le au fagogota, mai le faitau selau ma selau oni tagata ise aloalo, pe na’o le tasi lava se tagata o fai se ofu faaola poo le leai lava.
E leai foi ni auaunaga faapitoa e faatalitali i le matafaga mo ni faalavelave tutupu, i taimi o taga palolo.
E leai se isi na lipotia o malemo i taga palolo o lenei tausaga.
