Ua 15 masina talu ona uma le palota tele a le tatou atunuu, ae o lenei lava e toso mataupu e sootaga ile faigapalota male filifilia ai o faipule o le maota.
Ole Faamasinoga e ana le poloaiga mo le Fofoga Fetalai ole Palemene, ia tofa Li’o Papalii Taeu Masipa’u e faatauto loa faipule tamaitai, e toatolu, i le mae’a ane ai o finauga i le 10pasene ole aofai o nofoa ole maota.
E aofia ai le toalua a le HRPP, Aliimalemanu Alofa Tuuau ma Faagasealii Sapoa Feagiai , ma le toatasi a le FAST, Minisita lagolago Afioga, Toomata Nora Leota. Na muamua valaau le mataupu a faipule tamaitai a le HRPP, na la molitu ai le Fofoga Fetalai ile faamasinoga, ma manumalo ai, talu le tuai ona faatauto la’ua.
Peita’i i lena taimi sa talia ai se faaiuga a le faamasinoga, i le lu’i a Toomata Nora Leota, faasaga i le metotia poo le auala na solve ai le 10pasene na maua ai tina e ono.
Ae uma ane le faamasinoga ole tagi a Nora ma manumalo ai. i lalo ole vaega o le tulafono o faigapalota na sao mai ai Nora i le palemene, e fai ma sui ole faipule tamaitai na faamavae. Ole faipule tamaitai lena a le HRPP sa to’alima iai tamaitai na manumalo mai le palota tele.
Ole finauga lea ua toe oo atu ai le mataupu lenei ile faamasinoga. Ina ua tuuaia ai e faipule tamaitai e toalua o el HRPP, le faaiuga a le faamasinoga , ile auala na sao mai ai Toomata i le Palemene.
Ole aso 8 ole masina fou Aukuso e valaau ai le mataupu lenei.
