Ua tagai ai le afioga ile Palemia, ole taitai o le malo, i auala e siitia ai le tulaga o le Lakapi Samoa, mo isi tausaga oi luma, ae ole tapena atu i le Ipu a le lalolagi i le 2027, e faia i Ausetalia.
Mai le pepa o faamatalaga mai malo, o ta’ua ai le feiloaiga a le Palemia ma sui o le Lakapi Samoa ile vaiaso nei,
Ma afea ai le sao o taaloga ile soifuaga o aso uma ma le faufauina ole tamaoaiga o se malo, pei ona tula’i mai ai Lakapi Samoa , ma fananau mai ai le Manu Samoa 15, ma le Manu Samoa 7.
O fuafuaga alualu mamao na a le malo, i le siitia ole tulaga o taaloga, ua faatu ai lava le Matagaluega o Taaloga ma le Toe fuataina, e sootaga ile siitia o taaloga ile loaloa o Samoa.
Ua avatu foi iai ma le lu’i a le Palemia , ile Lakapi Samoa , e faauaua ona atina’e le taaalo a fanau oi Samoa nei.
E aofia ai ma le lakapi a tamaitai, i a latou lava polokalame iinei. Ma toe faamanatu le faapaaga ma le malo, ia mautinoa e maua ai se faamanuiaga, ile vaai mai fafo atu o Samoa, ile faailoilo Manu Samoa, ma lona faasee atu ile Lakapi Samoa.
O lesi mataupu na talanoaina o le poloketi, e aofia ai ni fale se lua, mole agai i luma o taaloga e fausia i Savaii.
Ma ua amanaia foi e le Lakapi Samoa, pei ona ta’ua ile pepa o faamatalaga, le mana’omia ai lea ona piipii ama ane i vaega o loo ave iai le faataua a le Malo, ia tulimataia ai pea la latou mau tauave, o le , Auauna ia Samoa, mo se taunuuga lelei i le malae ma fafo atu o le malae.
