Ua to’a mai lenei taeao I le savili ma timuga mamafa pei ona iai le taulaga I le aso ananafi, na louloua ai le gataifale ma susu ai se vaega o le aufaigaluega a leoleo I luga o le auala.
Peita’i o na foliga vaaia o le tau, na molimauina ai foi le motusi o maea o le meli la’u pasese o loo taula I le uafu.
Lipotia mai le tatou paaga i totonu e fitu maea na motusi mai le uafu agai ile vaa, ae o maea ia e tetele , peita’I o tulaga sou lava ia o le taulaga vaa i Apia, i taimi o se faata’uta’u e oso faafuase’i.
Ae o le vaaiga I le tau talu mai le vaveao o le aso tofi, 24 Oketopa, e oo atu I le po nanei, O loo tumaupea fautuaga mo le gataifale,
Mo sami ile itu I matu, o savili e le 20-30 note poo maila tautai, e puaoa I taimi o timu ma to faatautau, o galu e oo atu I le 2 -2.5 mita le maualuluga.
Mo taeao o savili mai sasa’e 20-30 note galu e pei foi o le aso, faapena foi I le foliga ole Aso Toonai ma le Aso Sa.
Ae o le taula ai o le meli la’u pasese ile taulaga vaa o Apia, lea na molimauina le motusi o maea na taula ane ai ile uafu, na taua e le tatou paaga, na toe faaleleia ai lena vaega mo lona saogalemu I le taimi lava na tupu ai ananafi.
