E 10 vaiaso na faatauataia ai se poloketi a le Ofisa o le Malo tele o Amerika i Samoa nei ma pagota e toa 18 mai le Matagaluega o leoleo ma Falepuipui a Samoa.
Mai lea toa 18 e toa ono o tamaiti lalo ifo o le 20 tausaga le matutua ae o le tala fiafia na mafai e nei alo ma fanau o loo nofosala ile toese ona faama’ea’ea ma le manuia nisi o sitepu e 12 o aoaoga sa faia.
I le maea ai o nei aoaoga ile 10 vaiaso na tufatufa aloai ai ile aso ananafi tusipasi e faailoa ai le maea ma le manuia o nei aoaoga.
Peitai o mataupu na aoaoina e tauala mai ile fesoasoani a Amerika e aofia ai le toe matimati lea ma faapupula i pagota nei le taua o le faia o le filifiliga sao ma le taunuuga foi o le filifiliga sese ona o faaosoosoga.
Ae e le gata i lea na aoaoina ai ma le amio pulea e tetee e faaoga e tetee atu ai i taimi faigata o le faia lea o faaiuga sese e ono oo atu ai i uiga solitulafono.
I le pepa o faamatalaga o loo faailoa ai le tele o le sao ma le taua o lenei polokalame i soifua ma olaga o i latou na auai i lea foi aoaoga.
Na faia le sauniga faapitoa i le aso ananfi na auai uma ai sui mai le Ofisa Amerika ma sui o le Matagaluega o leoleo e molimauina le tauaaoina foi o tusipasi o pagota e toa 18 nei ua iu ma le manuia a latou foi aoaoga.
