Ma’ea a’oa’oga a leoleo ma leoleo o le Pasefika i soligatulafono oloo faia i luga o upegatafailagi

SHARE NOW

Ole taua ona silafia e le atunuu lautele o soligatulafono o loo faatino i luga o fesootaiga televave. O loo sau i luga platform eseese, pei o le Face Book, aemaise ai le Whatsapp, ma isi polokalame i luga o le inteneti. 

I le polokalame a leoleo ole pasefika na faia mai i Taumeasina i le vaiaso talu ai, ma auai mai ai leoleo o Tonga, Tuvalu, Fiji, Kiribati, Tokelau, Nauru ma Samoa. 

Na saunoa ai le sui Komesina, Lafaitele Herbert Aati, ole silafia lautele o tagata ile ituaiga o solitulafono lenei, ia afaina ane ai ae ua malamalama iai. Saunoa foi Lafaitele, afai e oo atu i le 70%-80% o tatou tagata e malamalama i mea nei o soligatulafono i luga o fesootaiga, o se tulaga manuia lena. 

Ma ia faamatala le taua ole galulue faatasi , mo se saogalemu o lumanai o tatou atunuu. I le faamalamalamagaga faalauaitele ole aoaoga lenei mo leoleo, ua latou maua se tomai faapitoa, i vaega e iloa gofie ai soligatulafono i luga o interneti. 

O le Cyber Safety Pasefika na faatuina lea e le Pacific Island Chiefs of Police (PICP) ina ia faalauiloa ai nei ituaiga o solitulafono, e nofuta iai tagata motu o le Pasfika, ma le faalautele atu lea o tomai o leoleo i auala e faia ai latou suesuega,

Faatasi ai ma le lagoalgo a Ausetalia Federal Police e ala ile Polokalame e Atinae ai leoleo a le Pasefika, Pacific Development Program- Regional (PDP-R) I le uma ane o lea aoaoga mo leoleo sa maua o latou tusi pasi, ma leoleo mai Tonga, Tuvalu, Fiji, Kiribati, Tokelau, Nauru ma Samoa .